「心理暗示」可以心想事成?仲可以幫你實現預言？

Updated: Aug 5, 2020

[學野啦～雖然有啲長，不過對你人生好有用]

跟住落黎你或者會覺得有啲玄，不過小編盡量講得淺白易明

心理暗示作為一種心理活動,何以能取得現實世界嘅效應呢?呢個係因為,暗示唔僅對人嘅心理發生影響,還會引起人們嘅生理變化,由此影響到人嘅行為變化。

暗示可以分為他人暗示同自我暗示，

自我暗示則係指自己把某種觀念暗示給自己，並令佢實現為動作或行為

他人暗示就啫係由人地比你嘅某種觀念

心理暗示嘅作用係巨大嘅，唔止影響人嘅心理同行為，仲可以影響到人體嘅生理機能。因此，消極嘅暗示可以擾亂人嘅心理、行為以及人體嘅生理機能；而積極嘅暗示能起到增進同改善嘅作用。

　　法國有個身患惡病嘅病人纏住一個藥劑師買藥，藥劑師比左佢幾粒毫無藥用嘅「維他命」，呃佢話係特效藥。幾日後，個病人黎多謝佢，「維他命」醫好左佢嘅病！都有啲病人被誤診為「癌症」，結果幾個月後，真係中左癌症，鬱鬱而終。

仲有一個大家都聽過嘅「藍鯨遊戲」，大家千祈唔好學，佢就係用左「心理暗示」去慢慢引導人做出自殘甚至自殺。

有冇聽過只要相信，無可能都變有可能

呢個都係其中一種心理暗示

當你對某件事情抱着百分之一萬嘅相信，佢最後就會變成事實。(利申，首先要基於科學)

仲有好多人都聽過嘅「吸引力法則」都係其中一種，當你嘅思想專注係某一領域嘅時候，同呢個領域相關嘅人、事、物就會比你吸引黎。

預言係可以被實現？

而且係可以靠你自己去實現，其實呢個係其中一種「心理暗示」

「自我實現預言」現象最初由美國社會學家William Isaac Thomas 係1928年提出，佢指嘅係個人起初對事件嘅演繹會導致相應嘅結果發生。

之後，另一位美國社會學家Robert King Merton 首次用到「自我實現預言」 (Self-fulfilling Prophecy) 呢個詞彙，並定義為「一種無論係對與錯嘅信念或期望會最終導致符合期望嘅結果發生」。

簡單黎講，呢個現象係指當事人最初抱有嘅「期望」會影響佢具體嘅「行動」，令整件事情嘅結果符合當初嘅期望，繼而「強化」左該期望，令當事人更加相信原先期望嘅真實性。

簡單黎講啫係

信念 → 期待對方改變 → 本身行為嘅改變 → 對方行為跟著改變 → 感受到行為嘅改變 → 加強原本嘅信念

係1977年嘅一個實驗入邊重現左這個循環(Snyder, Tanke, &Berscheid, 1977)
設計實驗嘅人通知男性參加者會同一位女性講電話，
同時比啲相比男性嘅參加者睇
一部份嘅人拿到嘅係較為吸引嘅女性相，而另一部分則係較冇咁吸引嘅，

而電話嗰邊嘅女性都一樣係參加者，只係佢地冇攞到到任何嘅相，純粹就係聽電話
跟住兩邊都會被單獨錄音，然後比局外人聽下，等佢地聽下兩邊嘅語調係點樣，實驗結果係一開始男性攞吸引啲嘅女性相嘅組別，聽落比較友善，互動都比較好

重新套用以上循環就會變成咁

生得好睇嘅女仔應該比較友善 → 我期待佢好友善 → 所以我用比較友善嘅方式講野 → 對方因為友善嘅回話跟住都變得較友善 → 感受到對方女性嘅友善回應 → 加強左我觀念，生得好睇真係會友善啲。