食油點樣揀？用咩油適合煎炸？

[冷知識]

食油點樣揀？用咩油適合煎炸？

花生油其實比想像中健康？

好多人都會揀橄欖油做首選

咁我就講下橄欖油先

橄欖油之所以咁受歡迎，主要係因為橄欖油除左可以保護心血管健康之外，仲提供左多酚類同維他命E

不過有個謬誤以為橄欖油嘅脂肪酸可以幫助腦部發展，但係事實上佢嘅必需脂肪酸係唔足夠幫助腦部發展同荷爾蒙合成

另外，好多人以為橄欖油比較健康，但係計返卡路里，橄欖油同其他食油其實差唔多

Tips:橄欖油冒煙點比較低，大約165-190度，適合做涼拌/沙律、輕度煎炒等等嘅低溫烹調

芥花籽油

芥花籽油含有嘅飽和脂肪酸係食油入邊係最低👍🏼不飽和脂肪酸都比較高

仲有Omega-3脂肪酸，可以降低壞膽固醇，有助心血管健康。

不過有人話芥花籽油啫係菜籽油，會致癌，不過呢個講法係錯嘅，唔使過分擔心。

Tips: 芥花籽油冒煙點係其他食油入邊係中游，大約205-210度，適合大部分烹調方法，中高溫嘅煎炒

粟米油

粟米油係咁多種食油之中，算係不過不失咁啦，不飽和脂肪酸嘅含量唔算高唔算低。

飽和脂肪酸同單元不飽和脂肪酸比花生油低，多元不飽和脂肪酸比花生油同橄欖油高。

Tips: 粟米油嘅冒煙點比較高，大約230度，適合高溫烹調，煎炸等

花生油

花生油好多人以為係唔健康，因為以為花生油有膽固醇，其實花生油係無膽固醇㗎。

相反，花生油其實都係健康食油之一，佢嘅不飽和脂肪酸更加可以幫你降低壞膽固醇。

不過留意返，花生油比其他食油容易氧化變壞，要小心保存，最好放係陰涼地方

Tips: 花生油嘅冒煙點比較高，大約230度，適合高溫烹調，煎炸等

不過無論咩油都好，煮過之後千祈唔好翻用，翻用會釋放好多致癌物質㗎！

鍾意嘅記得like同share

同埋唔好漏左like我地個FB page同埋follow我地IG呀

【Trivia 三叉路網站｜https://cutt.ly/Triviahk】

Recent Posts