.png){kind=logo}
係冷戰時期美國同蘇聯，進行太空競賽嘅時候，係太空船上邊都需要記錄一啲數據同事件，咁以前科技未有咁發達，唔似而家用手指禁幾下就得，咁呢個就需要有書寫工具，但係一般嘅筆因爲係無重力嘅狀態下係寫唔出墨。
咁呢個時候美國就發明左太空人係太空自由書寫嘅筆——太空筆。
太空筆係由1967年美國嘅一家私人公司，用左超過200萬美元研製、可以比太空人係太空用太空筆。
而佢嘅基本原理係：密封嘅筆芯，入邊含氮氣，靠氣體壓力代替地球上嘅重力，將油墨推向筆尖，跟住就可以寫字啦。
呢種筆芯唔會漏油墨、唔會揮發，仲可以係各種極端環境下寫書寫，例如零下60度、高溫200度嘅環境下書寫自如。而且太空筆幾乎可以係任何表面書寫，包括水泥地、石頭、鋼鐵等等。
有睇過電影《作死不離三兄弟》嘅朋友，一定會問係太空用鉛筆咪得囉
咁究竟係咪呢？
咁又唔係唔得嘅，不過鉛筆係太空入邊絕對唔會係最理想嘅書寫工具
我諗大家細個都用過鉛筆寫字，咁大家都知鉛筆嘅筆尖係會斷，而且仲需要成日刨筆，仲會有鉛筆碎等等。係太空呢個無重力嘅環境下，斷左嘅筆尖同鉛筆碎對太空人黎講係好危險，因為呢啲嘅碎片有可能會飄入眼耳口鼻，而且鉛筆嘅筆芯係石墨，咁石墨係可以導電，而太空船嘅電子設備係好精密，萬一入到啲設備入邊，就可能會引起短路，咁就大件事啦。
另外，鉛筆嘅書寫效果唔好，啲字會好易花，同埋會甩色，而且仲要記錄咁重要嘅數據，用鉛筆反而冇咁可靠。
鍾意嘅記得比個like同share👍🏼
同埋唔好漏左like我地個FB page同埋follow我地IG呀
【Trivia 三叉路網站｜https://cutt.ly/Triviahk】
【Trivia 三叉路Facebook｜https://www.facebook.com/TriviaHK/】
【Trivia 三叉路Instagram｜https://www.instagram.com/triviahk/】
Comentarios