「聞」野都可以幫助減肥？！

Updated: Aug 5, 2020

「聞」野都可以幫助減肥？！

好多人都知道減肥主要係靠飲食習慣同埋做運動減肥

原來聞到某啲氣味都可以幫助減肥㗎喎🤔

我地一齊睇睇，btw呢個唔係content farm黎㗎😭小編要做好多資料搜集㗎😭😭

1. 特級初榨橄欖油

德國食品化學研究中心一項研究發現，即使只係聞到特級初榨橄欖油都會導致飽肚感。

佢地做左個實驗，A係普通酸奶，B係加左啲特級初榨橄欖油嘅香味嘅酸奶，同A嘅實驗參加者相比，B嘅參加者消耗嘅卡路里更少，血糖反應更好。佢們其中一種與飽肚感相關嘅血清素嘅含量都增加左。

2. 蒜頭

根據2012年發表在《風味》雜誌(Flavour and Fragrance Journal)上嘅一項研究，濃烈嘅氣味令你可以食少啲野。因為蒜頭係其中一種已知嘅食慾抑製劑。佢可以幫助你長時間保持飽肚，進一步防止暴飲暴食。另外，據說食含有蒜頭氣味同強烈香氣嘅辛辣食物有助於減輕體重。

有證據表明，辣椒可以幫助您燃燒更多的卡路里。根據Men's Health的說法，研究人員表示，係因為“辣椒素類嘅產熱作用”。換句話說，你個身體係消化緊辛辣食物嘅時候會產生熱量，從而燃燒更多卡路里。

3. 香蕉/青蘋果

氣味與味覺治療和研究基金會(Smell & Taste Treatment and Research Foundation)嘅一項研究發現，超重嘅人係有飢餓感嘅時候聞到香蕉或青蘋果比冇聞到嘅人體重減輕左。

因為入邊有啲食用晶體(或指糖份)，而呢啲晶體嘅氣味可以呃到我地嘅大腦，令你以為自己食多左野，因此食少左野。從而可以抑制食慾，如果你冇香蕉或青蘋果，可以試下聞雲呢拿或者薄荷。

4. 茴香

根據西海岸芳香療法研究所(West Coast Institute of Aromatherapy)嘅講法，佢可以起到抑制食慾嘅作用。想食野嘅時候，可以試下切一兩條用凍水沖黎飲。

茴香籽都得㗎，茴香籽入邊含有一啲精油，例如''草蒿腦''，''茴香酮''和''茴香腦'' ，佢地通過促進胃酶嘅產生黎幫助消化。

5. 西柚

呢種營養豐富嘅水果，要節食嘅朋友一定係佢嘅至愛，但是食節食之前用幾秒鐘聞一下佢嘅味道，可能會進一步提高減肥效果。

日本大阪大學嘅研究人員發現，將老鼠係一間每15分鐘就注入西柚氣味嘅房入邊，會有助佢降低食慾同體重。研究人員認為，呢個可能係氣味同肝酵素嘅相互作用有關。

鐘意嘅記得share比你減緊肥嘅朋友睇下

Trivia 三叉路網站｜https://cutt.ly/xdOwxce

Recent Posts