戴多個口罩真係可以加倍防護？

[日常]

雖然武漢肺炎疫情嚴峻，但係最近外科口罩都比之前更容易買到亦都更平，大家都唔使慳口罩用。

有啲人會同時戴多過一個外科口罩，認為可以有多一重防護，咁到底係咪呢？

事實上未必真係有多一重防護，仲可能會更差。

戴口罩最重要係塊面同口罩嘅貼合度，多一層唔代表你過濾效果會加強，仲會會影響你嘅呼吸。戴多個口罩有機會影響口罩嘅貼合度，反而增加風險。

同時戴多過一個口罩可能會戴唔緊或者唔舒服，你可能需要成日用手去調整個口罩，咁樣就會增加你雙手接觸口罩嘅時間，萬一你個口罩真係帶有病毒，你用手去掂個口罩調整位置，有機會接觸到病毒，然後你對手唔小心摸到面或者眼口鼻，咁就可能會中招

其實如果你口罩充足，最好係勤換口罩，仲好過戴多個口罩。

不過！！要留意自己戴上同除低口罩嘅嘅步驟，每一個步驟有冇做好呢？

戴左口罩後有冇忍手唔好再摸？

除低口罩前後有冇洗手呢？

【Trivia 三叉路網站｜https://cutt.ly/Triviahk】

Recent Posts