搞清誤解，曬太陽可以對抗病毒？

Updated: Aug 5, 2020

坊間好多人以為曬下太陽有紫外線可以對抗武肺☀️

其實太陽光既紫外線係唔可以幫你殺死武肺病毒🌚

我地睇下點解👇🏼

太陽光含有三種紫外線

1️⃣第一種係紫外線A（UVA），照射到地球表面上既紫外線大部分屬於呢種，佢可以穿透我們既皮膚，造成皮膚老化，令我地會出現皺紋同斑點，同埋都會有可能導致癌變

2️⃣第二種係紫外線B（UVB），會破壞皮膚既DNA，導致曬傷，仲可能會引發皮膚癌。

3️⃣第三種係紫外線C（UVC），紫外線C的波長更短，更危險，能夠殺死人體和病毒分子的基因物質。☠️

咁有人話：「用UVC咪得囉」，但係我地係唔會比UVC照射到，因為地球既臭氧層係會幫我地阻隔左UVC。

咁有人就問啦，「平時用黎消毒既紫外線點黎嫁」

無錯！UVC係可以被製造出黎，但係UVC係極度危險🚫

人係唔可以暴露係UVC底下⚠️‼️

比UVB照射要幾個鐘先會曬傷，但係UVC只要幾秒鐘就造成傷害。🔆

用UVC要有專門既器材同訓練先用得，一般市面上大部分聲稱可以用紫外線殺菌消毒既器材，佢地既效果可想而知。😏

至於有美國研究指，曬太陽可以殺武肺病毒，並超過9成會失去活動力。😯

不過佢咁講又錯唔晒喎，主要原因係因為太陽既高溫減低左病毒既存活期。🧐

一般黎講，病毒既半衰期為18個鐘。但係當濕度上升到80%既時候，半衰期就縮短到6個鐘，而加上陽光既時候，半衰期就縮短到2分鐘。💀

懸浮係空氣中既病毒，半衰期為1個鐘，當溫度21-24度，濕度20%，加陽光照射下，呢個時間降到一分半鐘。

日照較弱既冬季12月到3月期間，病毒係不同物品既表面上生存超過1日，所以亦都證實左夏天炎熱既天氣係有助減低傳播風險。👍🏼

但係呢個方法用係人體上就唔work啦，因為只可以係照射到既表面消毒，更何況係消到毒之前你已經中暑加曬傷。🥵

所以最好都係冇咩必要就減少外出🤦🏼‍♂️靠自己做好防疫措施

Trivia 三叉路網站｜https://cutt.ly/xdOwxce

Recent Posts