點解不銹鋼唔會生銹？不銹鋼都有分編號同種類！

點解不銹鋼唔會生銹？

不銹鋼係由多種金屬元素組成嘅合金，其中「鉻」是最重要嘅材料，因為佢會係表面形成一層氧化鉻保護膜，達到防銹嘅效果

至少要含有11%嘅「鉻」，先算係真正嘅「不銹」鋼，

另外，具有唔容易生銹嘅特性，另一個主要材料係「鎳」，佢係抗腐蝕嘅最佳材質。

不銹鋼都有分編號同種類？

好多人唔知道不銹鋼都有分類，以為「不銹鋼咪就係不銹鋼囉」

根據「鉻」、「鎳」兩大元素嘅比例唔同，可以將不銹鋼分為200、300、400等等嘅系列

常見嘅200系列不銹鋼有201,202不銹鋼，因為有含『錳』成分高、『鎳』含量極低，防鏽效果差，所以好少用黎製作餐具，多數係作為工業用。

佢嘅特點係成本較平，鎳含量極低，防鏽效果差，含高成分錳去增加延展性

例如會用係，鐵窗、鐵門、樑柱等等

至於300系列常見嘅不銹鋼有304同316不銹鋼。

304不銹鋼具有良好抗腐蝕性，用途最廣，包括工業、家具裝飾行業同食品醫療行業。

而佢嘅特點係含高比例嘅「鎳」，抗蝕性較好；無磁性，當雜質含量高嘅時候，加工後間中會呈弱磁性，佢有良好嘅加工性，所以用途好廣

最常應用係餐具嘅食品級不銹鋼、耐腐蝕容器、餐具、家俱、欄杆、醫療器材等

至於316不銹鋼就係屬於醫療級不銹鋼，因為佢比304不銹鋼多左一隻元素「鉬（Mo）」，所以更耐腐蝕、更堅固，價格都更高，係用途第二廣泛嘅不銹鋼。

佢嘅特點係有高含量嘅「鎳」令抗蝕性較好，另外含有「鉬」元素，更耐腐蝕、具抗氯化物腐蝕能力、更堅固，而且好貴

通常用係食品工業同外科手術器材、化學、海邊等容易腐蝕嘅環境。

至於400系列嘅成份太廣泛，咁我就講下其一種430不銹鋼啦

佢係不含「鎳」，價格比304同316不銹鋼低，不過佢嘅抗腐蝕性差過304、316不銹鋼，長期用會比較易生銹。

不過佢擁有良好對於「硝酸」嘅抗蝕能力，所以都會用係工業上。另外，佢仲有個特點係佢係具有磁性既。

不過大家要留意返唔係愈高編號或愈貴就係愈好，要根據返唔同嘅用途黎揀

提提大家有啲黑心商人會用較平嘅200系列嘅工業級不銹鋼當成300系列嘅食品級不銹鋼，大家買之前要睇清楚呀。

不過根據小編嘅觀察大部分比較可信嘅廚具牌子，佢地都有標明係用邊種嘅不銹鋼，可以放心買😌

仲有like&share呀😂

同埋唔好漏左like我地個FB page同埋follow我地IG呀

【Trivia 三叉路網站｜https://cutt.ly/Triviahk】

Recent Posts