點解中文字會愈睇愈陌生?

Updated: Aug 5, 2020

大家有冇試過望同一個字太耐或者太多次，會突然覺得隻字好陌生😂

會覺得好似每個部位都拆開晒咁

原來呢個係一種神經心理學現象，叫做「語義飽和」/「完形崩壞」

而呢個現象嘅重點係在於注意力轉移，望住同一個字太耐，大腦就會慢慢無辦法將成隻字睇成一個「整體」，會不由自主咁淨係注意到隻字嘅一部分，令到隻字突然之間失去左「整體感」，甚至可以連讀音或者佢嘅意思都會慢慢模糊😦

唔同嘅文字結構都會有唔同嘅飽和速度，係我地平時睇嘅中文字入面，左右結構嘅字係比較容易有呢個現象，例如「明」字，亦有資料話「粉」、「若」、「借」呢幾隻字最容易發生呢個情況，不過都未經過嚴格證實。

其實呢個現象係因為大腦持續受相同嘅刺激，造成神經疲倦同抑制，跟住就產生「聯想阻斷」，令大腦唔可以有全面嘅認知，啫係話我地會對隻字失去聯想能力，令到隻字變得陌生。🤯

其實唔止係文字先會出現呢個現象，例如係熟人嘅樣，熟悉嘅地點，睇耐左都會突然有種陌生嘅感覺

仲有例如長時間聞到同一隻氣味，都會因為「神經疲倦」而麻木左。

不過「神經疲倦」係暫時性嘅，只要暫時停止刺激，比你嘅感官同神經休息下就會回復正常啦👍🏼

如果覺得有趣不妨share出去😛

Trivia 三叉路網站｜https://cutt.ly/xdOwxce

Recent Posts