點解切洋蔥會流眼淚？點樣切先唔會流眼淚？

最近好多人都留係屋企煮野食

小編我都好鍾意煮野食㗎

有煮野食嘅人都一定知洋蔥係好重要嘅食材

但係每次切洋蔥都會流晒眼淚😭

等Trivia話比大家知點樣先唔使喊😢

首先，點解切洋蔥會令我地流眼淚呢？

洋蔥有胺基酸亞碸一類嘅有機分子，令佢有蔥類嘅特別氣味。

切割洋蔥組織會釋放一種叫「蒜胺酸酶」嘅酵素，將胺基酸亞碸轉換成次磺酸。次磺酸再重組成揮發性嘅硫化物「syn-propanethial-S-oxide（SPSO）」，就係呢種化學物質令我地流眼淚。

至於我地嘅眼角膜係我地對眼最前面嘅保護層，佈滿住睫神經嘅感覺神經纖維；

(睫神經係三叉神經主幹嘅一條分支，而三叉神經負責傳送面部同前額嘅觸感、溫感、痛覺到達大腦)

當游離神經末梢偵測到眼角膜上面有SPSO後，就會引發睫神經嘅活性，中樞神經系統就將呢個活性解讀成刺痛感覺。

然後將呢個訊號傳返去對眼，比淚腺分泌淚水洗走刺激物。

好啦，咁到底點先可以避免流眼淚呢？

一、冷藏法

將洋蔥放入雪櫃，冷藏5-10分鐘後，再攞出黎切，冷藏可以減低酵素嘅活性，咁樣做洋蔥有刺激性嘅物質會揮發得比較少，就會減少左流眼淚嘅機會啦。

二、水浸法

因為洋蔥入面嘅化學物質為水溶性，所以可以先切走洋蔥嘅頭同尾，再切開一半，放入凍水中浸大約10分鐘之後先再切，或者你都可以直接係水入面切洋蔥。

如果你趕時間啲話，可以轉用熱水浸5分鐘，熱水可以破壞佢啲酵素，減低硫化物嘅揮發。

如果你再趕時間啲可以試下面呢個方法

三、微波爐法

將洋蔥包保鮮紙，放入微波爐叮10至20秒，因為微波爐係透過震動水分子加熱，一樣都可以破壞佢嘅酵素，減低硫化物嘅揮發。

四、濕水菜刀法

正如我頭先講佢嘅刺激物係水溶性，所以切洋蔥前，先將菜刀用水整濕，一邊切嘅時候都要一邊keep住用水沖洗下先再繼續切，咁就可以減少刺激啦👍🏼

學到野不妨比個like👍🏼

Share出去比鍾意煮野食啲朋友睇下🙌🏼

【Trivia 三叉路網站｜https://cutt.ly/triviahk】

Recent Posts