點解緊張就會覺得尿急？

我諗好多人都試過係presentation前、考試前、比賽前都會覺得好緊張。

而緊張又會覺得尿急啵

咁究竟點解呢？

尿急都好多個因素影響嘅，唔可以一概而論，咁我就講下其中兩個可能嘅原因啦。

首先，一般人在平時嘅交感神經同副交感神經都係平衡嘅狀態；

當交感神經興奮時候，心跳會變快，同時腹腔內臟同末梢血管收縮，支氣管平滑肌擴張，腸胃運動同胃分泌受到抑制，瞳孔擴張，加速新陳代謝等現象。

相反，副交感神經興奮嘅時候，心跳減慢減弱，支氣管平滑肌收縮，而腸胃會促進分泌消化液，瞳孔縮細等。交感神經同副交感神經係互相輪替。

當人處於緊張嘅狀態下，會令交感神經同副交感神經兩者都處於興奮，消化同排泄器官都同時運動，就會令人想去廁所。而許多動物，例如：貓、狗、老鼠都會出現，有利於生存。

第二個原因就是，當人覺得緊張嘅時候，肌肉會收縮，其中可能包括膀胱嘅肌肉。如果係咁嘅話，就會令你覺得尿急。

當你緊張而覺得尿急，又唔方便去廁所嘅話，可以試下令自己平靜落黎，或者做其他野分散注意力，令自己放鬆啲，就會減少尿意㗎啦

鍾意嘅記得比個like同share👍🏼

同埋唔好漏左like我地個FB page同埋follow我地IG呀

【Trivia 三叉路網站｜https://cutt.ly/Triviahk】

Recent Posts